recent
أخبار ساخنة

إسأل جوجل

ما هو خشب الكونتر ومما يتكون و ما الفروق بين أنواعه المختلفة

Furniture Stores El-Matareya
الصفحة الرئيسية

يوجد سؤال متكرر لكل شخص يريد عمل مطبخ وهو ما هو خشب الكونتر ومما يتكون و ما الفروق بين أنواع الكونتر المختلفة .

وفي هذه المقالة شرح مبسط لتكوين الكونتر من الداخل وكيفية معرفة النوع السئ و النوع الجيد . 
الكونتر الكويس الخشب الداخلي أو الكبس معالج و مجفف ومتبخر و تخانة الكبس موحدة ولا يوجد تعاريج في اللوح وعليه ضمان من الشركة المصنعة حتي بعد التقطيع .


بسم الله الرحمن الرحيم - إن شاء الله هنتكلم في هذه المقالة عن الخشب الكونتر ، خشب الكونتر دا غالباً أكثر الأسئلة عنه بتكون لحظة عمل المطابخ - أي حد بيبقي عايز يعمل مطبخ بيتقالوا إن فيه كونترنوع كذا و نوع كذا و نوع كذا - فبيبقي عايز يعرف إيه الإختلافات بين أنواع الكونتر المختلفة ؟


ما هو خشب الكونتر ومما يتكون و ما الفروق بين أنواع الكونتر المختلفة


طبعاً ألواح الكونتر مصانع كثيرة جداً و مسميات كثيرة جداً ولكن سنذكر أفضلهم في هذه المقالة ، أفضل نوع كونتر هو- كونتر جود وود - طبعاً في ألواح تانية كتير و فيه مصانع تانية كتير - ممكن يكون فيه أفضل من الكونتر الجود وود - أنا مقدرش أحكم مين الأفضل علي الإطلاق لكن بالنسبة لي أنا شخصياً :، أفضل نوع كونتر إشتغلت بيه هو كان كونتر جود وود ، ودي أول حاجة إشتغلت بيها و بعد كدا لما بقيت أشتغل بحاجة مختلفة أو حاجة تانية مبقتش احس بالسهولة و السلاسة في العمل و الثقة إن أطلع منتج كويس زي جود وود - دا بالنسبة لي انا شخصياً - علشان كل واحد له وجهة نظر مختلفة أنا ماليش علاقة بيها ، أنا بتكلم عن تجربتي الشخصية . 


خشب الكونتر  خشب مسطحات - لأن ألواح الكونتر الطبيعي ليها طبعاً حد أقصي في العرض ، طبعاً السمك ممكن نوصل لسماكة في الخشب الطبيعي أكثر ، لكن بالنسبة للألواح المسطحة طبعاً لا يمكن يكون فيه لوح خشب طبيعي بمساحة خشب الكونتر اللي هوا في الغالب بيكون 122 سم في 244 سم دا بنسبة 99% دي مقاسات لوح الكونتر .


 خشب الكونتر -  خشب مسطحات


تعالو مع بعض نشوف خشب الكونتر بيتكون من إيه .. ؟  
و علي أي أساس بتتحدد جودة خشب الكونتر ، يعني فيه لوح مثلاً بالنسبة للأخشاب اللي هي الكونتر القشرة أرو   ممكن اللوح يبقي بسعر 700 - 800 جنيه و لوح تاني بسعر 250 ج قشرة أرو بردو فممكن السعر يبقي الثلث :،
هنشوف ليه التفاوت في الأسعار دي والإختلافات في الجودة و هنشوف هوا بيتكون من إيه لأن هوا دا اللي بيحدد سعر و جودة خشب الكونتر أو مسطحات الكونتر أو لوح الكونتر .

سوف أترك لكم في نهاية المقالة فيديو بيشرح بالتفصيل كل ما ذكرناه بالإضافة إلي شكل العينات المستخدمة من خشب الكونتر .



خشب الكونتر يتكون من سدايب صغيرة مرصوصة جنب بعضها بتبقي ليها مقاسات مختلفة علي حسب سماكة لوح الكونتر لكن المقاسات بتاعته بتكون 122 سم في 244 سم - بتترص السدايب جنب بعضها بهذ الشكل كما في الصورة (1) - وساعات سدابة كاملة من أول لوح الكونتر بالطول من أوله لأخره - وساعات بتكون في أوقات تانية قطع متجمعة  جنب بعضها .

صورة (1)

جودة لوح الكونتر بتعتمد علي عدد السدايب ، يعني مثلاً عدد السدايب لما تكون متجمعة بالشكل دا كما في الصورة (2)  ومقاسات قصيرة فطبعاً بتكون أقل جودة من السدايب كلها بنفس الطول ، طبعاً صعب يكون اللوح كامل السدايب كلها بنفس طول اللوح ، لكن هيا في المجمل بتكون جودة لوح الكونتر بتختلف علي حسب نوع الخشب اللي مكون منه - السدايب - و القشرة اللي ماسكة السدايب دي - يعني بعد كدا السدايب دي بتترص و بيتكون فيه قشرة تحتها بتترص عليها  وبعد كده بتتحط عليها طبقة قشرة تانية بتتكبس عليها وهوا دا بيكون لوح الكونتر .
 جودة لوح الكونتر بتعتمد علي عدد السدايب
صورة (2)

طب علي أي أساس الجودة بتتحدد؟

الجودة بتتحدد علي عوامل مختلفة منها نوع الخشب نفسه اللي مكبوس عليها القشرتين دي أول حاجة
ثانياً طول كل سدابة قد إيه يعني السدابة مثلاً لو واخدة اللوح من أوله لأخره طبعاً أفضل من تكون السدابة متجمعة بجوار بعض 3 سدايب جنب بعض و جايبين طول اللوح لكن طبعاً لما يكون مجموعة سدايب واخدين اللوح من أوله لأخره أو علي الأقل بيكون الطول بتاعها يعني مش اقل من مثلاً نص طول اللوح .


هنشوف بقي الأنواع المختلفة ، طبعاً هنبتدي من كونتر من الأنواع المحترمة زي ما إحنا شايفين كدا في الصورة (3) دي سدايب مرصوصة جنب بعض طبعاً لأن الكونتر ده جودة كويسة فمش باين مسافات بين كل سدابة و الثانية - يعني مثلاً دي عينة من العينات اللي واخدها من أحد المصانع كما في الفيديو - أسفل المقالة - 3 سدايب جنب بعض ، الكونتر ده لأن جودته كويسة مفيش فواصل بين السدايب ودي أحد العوامل اللي بتعتمد عليها جودة الكونتر تاني حاجة نوع الخشب نفسه خشب كويس نضيف - يعني ده السدابة من الجنب النوع نضيف طبعاً مش هيبان في الصورة لكن طبعاً هيبان لما الواحد يمسكها بإيده لكن ده مش كونتر القشرة بتاعته قشرة طبيعي دا كونتر ميلامين - الأشكال دي بتكون موجودة في الميلامين و فيه كذا نوع طبعاً - فيه أكريلك - طبقة عاملة زي البلاستيك و دي بقي أنواع مختلفة من الميلامين - طبعاً فيه أنواع مختلفة من الميلامين زي HDL و أكريلك و بولي لاك و ويوفي لاك لكن ميهمناش كل اللي يهمنا في الأساس هو قوة لوح الكونتر بتاعنا و هيعيش قد إيه و جودته .


أفضل أنواع الكونتر
صورة ( 3 )

أفضل أنواع الكونتر
صورة (3)

- هنيجي بقي للوح كونتر أقل في الجودة و هنشوف الإختلاف بين هنا و هنا فيه سدايب متجمع منها لوح الكونتر زي ما إحنا شايفين في الصورة (4) هتلاقي المسافة بين السدابة و الأخري هيا اللي بتحدد أحد عوامل جودة لوح الكونتر - الفراغ اللي في الصورة - ممكن يخلي اللوح بعد ما يتقطع ممكن يتكسر بسهولة لأن زي ما إنت شايف في الصورة اللي ماسكه القشرتين بتوع لوح الكونتر ومع ذلك ده من الأنواع المعقولة شوية - ده مش أسوء نوع - زي ما ظاهر في الصورة أو القشرة بردو ليها سمك شوية - صحيح طبعاً أقل سمكاً من النوع الأول ولكن يعتبر من الأنواع المعقولة كما في الصورة (5) .


صورة (4)


صورة (5)


طبعاً جودة لوح الكونتر بتخلي عملية قطع الخشب - الخشب مشلع - يعني تسنين في الحرف دا إسمه - تشليع الخشب - طبعاً كل ما جودة الكونتر بتكون أعلي و القشرة بتاعته بتكون أعلي شوية بتكون عملية التشليع دي أقل .


- هنيجي بقي لنوع كونتر سئ للغاية زي ما أحنا شايفين في الصورة (6) ده من أسوء أنواع الكونتر الموجودة في السوق - مفيش سدابة جنب الثانية أساساً كل السدايب فيه مسافات بينهم ، دا غير إن السدايب كلها قصيرة يعني مفيش سدابة واصلة معدية 50 سم تلاقي السدابة شكل و بعد كده تبص من تحت تلاقي السدابة مختلفة و ثانياً نوع الخشب نفسه المعمول منه السدايب سئ للغاية ممكن تكسره بإيدك بسهولة 


أسوء أنواع خشب الكونتر الموجودة في السوق

تشليع الخشب و أسوء أنواع خشب الكونتر الموجودة في السوق


فتخيل بقي لو فيه رخامة إتحطت عليه أو حمل ثقيل إتحط علي الشغل ده يبقي شكله عامل إزاي - سمك القشرة ضعيفة جداً - النوع المحترم سمك القشرة عالي .

وكمان القشرة مش مكبوسة كويس فيه فراغ بين القشرة و السدابة و فيه حاجة إسمها مطبات لو حطينا إيدنا ومشينا علي اللوح هنلاقي فيه عالي و واطي ، بصفة عامة بنسبة 10 % لازم يكون في أي نوع كونتر مهما كانت جودته عالية أو واطي والنسبة بتكون متفاوته من نوع لأخر ، زي ما موجود في الفيديو  القشرة بتطلع بمنتهي البساطة  وحتي المادة اللازقة أو الغراء المستخدم للزق القشرة من الناحيتين علي السدايب  نوع سئ للغاية ، إنها تطلع بالبساطة والسهولة دي والخشب بتاعها بيكون قديم و مستعمل 
وفيه طين أو تراب معني كده إن الخشب قديم .


نيجي بقي نتكلم عن حاجة مختلفة :-

خشب المسطحات ( خشب حُبيبي ) طبعاً الخشب الحبيبي عبارة عن نشارة خشب بتكون مكبوس بغراء و بعد كدا ملزوق عليها طبقة الميلامين ، لكن الخشب الملزوق بين القشرتين بيكون سدايب أفضل 100 مرة  من الخشب الكبس ده ( الخشب الحُبيبي ) 
وفيه طبعاً حاجة إسمها MDF  كلنا عارفينها لكن إحنا في الأساس بنتكلم عن خشب الكونتر . 


خشب المسطحات ( خشب حُبيبي )


- ألواح خشب الكونتر القشرة بتاعتوا يا إما تكون خشب طبيعي زي القشرة الأرو والفواصل بين السدايب قليلة  و حتي الفواصل مليانة غراء 

ولكن بشكل عام إتكلمنا عن نوع السدايب و المسافات اللي بينها و الكبس و الغراء الملزوق بيه و كذلك نوع القشرة و سماكتها الملزوقة علي الناحيتين اللي ماسكة السدايب 
هي دي اللي بتحدد علي أساسها نوع الكونتر هل هو ذو جودة عالية ولا متوسطة ولا نوع سئ .
أفضل أنواع خشب الكونتر


أتمني تكون أخدنا فكرة مختصرة عن ما هو خشب الكونتر ؟


تابعنا علي هاشتاج ( فيرنتشر ستورز المطرية ) علي كل وسائل التواصل الإجتماعي 


- إقرأ أيضاً :- 





شاهد الفيديو :-

google-playkhamsatmostaqltradent