السبت، 1 أغسطس 2020

النيش وأسراره


النيش وأسراره


نيش دهبي مودرن  ردفة

النيش هو ثاني قطعة أثاث كبيرة بعد الدولاب ، ربة المنزل بتضع فيه أفخم حاجة عندها يعني زي الكريستال والصيني و الفضيات و الزجاج الغالي ، من زمان من حوالي 60 سنة كانت السفرة بتكون من ترابيزة و كراسى و قطعة خشب زي الدولاب عشان تحفظ أدوات الطعام كان اسم القطعة الخشبية ( بوفيه ) ، ولحد دلوقتي بنستخدمها بنشتريها وبيكون فيها مرايا، ولو كانت القطعة الخشبية أصغر كان اسمها ( دلسوار )، وكانت عبارة عن أدراج صغيرة بنحفظ فيها السكاكين والمعالق .


 النيش من 30 سنة كان عبارة عن دولاب بس من الزجاج كان اسمه دولاب الفضية عشان كان يضعوا فيه أغلى حاجة من الفضة والكريستال والتحف الفنية ، وكان ليه علاقة كبيرة بالصالون وألوان الصالون ، ومش ليه علاقة تماما بالمطبخ .


  كان دولاب الفضية بيكون عند الأغنياء ، أما المتوسطين الحال كان عندهم دلسوار أو بوفيه ، ومن زمان كل الأمهات كانت بتحافظ وتختار هيكون ايه في دولاب الفضية أو البوفيه ، وكلمة نيش جاية من كلمة فرنساوي ومعناها المكان المناسب للشيء الغالي ، ومعناها في الإنجليزي المكان المكان المناسب عشان القطع الصغيرة ، ومن المعاني جت فكرة حفظ الكريستال والفضيات .


 النيش هو عبارة عن تقليد الأم بتراثه لبنتها ودا بيحصل على مر الأجيال ، والنيش بالنسبة لكتير من الناس حاجة مهم جدا ومن أهم الحاجات اللي بتكون في النيش هو الصيني رغم سعره الغالي لكن بالنسبة لكتير من الناس هو شيء لابد منه ، وبيكون في النيش كمان طقم الشاي ، وطقم الشربات ، والكاسات وبيكون في من ألوان كتير وجميلة اوي ، وطبق الفاكهة ، وعلى مر التاريخ السيدة المصرية تخلي بالها جدا على كل قطعة من النيش .


النيش بيوفر مساحة تخزين كبيرة للحاجات اللي ممكن تتكسر بسرعة ، وكمان بيقلل الضغط على المطبخ وتوفر لنا مساحة في المطبخ .


الأخشاب المستخدمة لصناعة النيش:

خشب الزان : يُستخدم خشب الزان لصناعة النيش ، وخشب الزان يُصنع من أجود جذوع الشجر ، وخشب الزان يتميز بالمرونة جدا في التشكيل ، وخشب الزان أصله روماني ، لأن رومانيا مناخها كويس جدا لزراعة الأشجار الي بنجيب منها خشب الزان .

أخشاب الماهوجني : بيكون لونه مايل شوية للون الأحمر ، وبيكون النوع دا صلب جدا ، وخاصة خشب الماهوجني جنوب أفريقيا ؛ لأنه بجانب إنه صلب بيكون مقاوم لدرجات الحرارة .

خشب الأرو أو البلوط : وبيكون مستخدم في صناعة النيش وعشان هو صلب جداً فى النيش اللى بيصنع من الأرو يكون شيء نادر وتحفة فنية .

أخشاب الجوز : بيكون درجاته بنيه فاتحة أو غامقة، وفي منه خشب تركي أو إيطالي أو أمريكي .

خشب الصنوبر : بيستخدموه أيضا لصناعة أثاث النيش وبيكون شكله جميل جدا وجودته عالية ، وعادة بتكون جودة الخشب على حسب شجر الصنوبر ومزروع فين .

تكوين النيش:                                        

النيش في الأول منذ الستينات كان عبارة عن بوفيه بعد كدا إتطور و أصبح دولاب فضيات وبعد كدا إتطور وأصبح دولاب زجاجي فيه 2 درفة ، إلى وقتنا الحالي أصبح في نيش ب4 درف ودا لو حجمه كبير، وبيكون حاليا فيه أشكال منه حلوة جدا، وفيه مرايا عشان تدي منظر جمالي للنيش وكمان عشان تعكس الضوء عشان الحاجات الي في النيش تظهر أكتر وتلمع كمان.

أشكال النيش:                               

النيش الكلاسيك: بيكون غالبا 4 درف بيعتمد على شكل السفرة ، يعني سفرة الكلاسيك بتكون كبيرة وفخمة .

النيش المودرن : وبيكون صغير وسفرته صغيرة لكن شيك جدا.

مكان النيش:

إلي بيحدد مكان النيش هو مساحة وشكل الشقة ، يعني لو الشقة صغيرة هنختار طبعا النيش المودرن ، أما لو مساحة الشقة كبيرة هنختار النيش الكلاسيك أو المودرن حسب الإختيار ، وكمان بيكون أجمل في منتصف عرض خائط مش يكون على الجنب ، ويكون قريب من الصالون والسفرة .

مقتنيات النيش:

بيترص في النيش الأطقم الغالية سعر وتحرص العروسة على ألوان الأطقم جدا ، وأولهم طقم الصيني طبعا ، والكاسات والكريستال ، وطقم الشربات ، وطقم الشاي وتقديم الجاتو ، وتحف صغيرة التشكيل والتزيين ، والشمعدان والأهم الحرص على تنسيق الألوان في مقتنيات النيش .

صور للنيش :- 

نيش دهبي مودرن  ردفة

نيش دهبي مودرن  ردفة
نيش مستعمل دمياطي 2 درفه

نيش 3 درفة مستعمل

                  
إقرأ أيضاً :-

أماكن بيع و شراء الأثاث المستعمل في المطرية القاهرة

ليست هناك تعليقات:

إرسال تعليق

إجمالي مرات مشاهدة الصفحة

نموذج الاتصال

الاسم

بريد إلكتروني *

رسالة *

اشترك في القائمه البريديه