الأحد، 2 أغسطس 2020

شقة مصيفية في قرية أندلسية بمدينة مرسي مطروح


الصيف ليه طابع خاص مايكملش غير في مكان يكون فيه بحر وشمس مع الإستمتاع بالجو الصيفي الجميل ،علشان المصيف بقي عقبة كبيرة لكتير من الناس علشان الاسعار اللي بقت نار احنا النهاردة قررنا نساعدكم ونجيب لكم مكان مميز مصيف رائع مع أسعار مناسبة جدا ، هنتكلم عن قرية في مرسي مطروح أكتر مكان مميز للرحلات والمصايف القرية دي فيها شاليهات بأسعار مختلفة هتبدأ من ٢٠٠ جنيه ل ٦٠٠, جنيه وهتلاقى في الشاليه كل اللى تحتاجوه من بوتاجاز وغسالة وأدوات المطبخ وكل ده علي أعلي مستوي ومكان نظيف جدا علشان تتعرفوا علي المكان بصورة أكبر يالا بينا نتابع المقال مع بعض لحد الآخر هنتكلم مع بعض عن القرية الاندلسية .

القرية الأندلسية بمرسي مطروح


قرية أندلسية بمرسي مطروح


مواصفات القرية السياحية مرسى مطروح ؟؟


قرية جميلة تتميز بهدوء كبير ، هنلاقي جوة القرية حمامات سباحة واحد كبير و واحد صغير والكبير ده بقى بياخد مايه من البحر يعني حاجة في منتهي الجمال ، الليل وجماله جوة القرية اللي عايز تأجير عجل أو بيتش باجى هيلاقي وأسعار من ١٠ ل ٥٠ جنية يعني أسعار من الآخر ، أكل وشرب هتلاقي أكبر سوبر ماركت داخل القرية ، القرية كبيرة علشان كدة هتلاقي طفطف لو حابب تلف القرية وتتعرف عليها اكتر ، بجد مكان رائع وهواء نقي جداً

محتويات القرية السياحية بمطروح ؟؟


أولاً حمام السباحة الكبير المالح :-

 اللي بياخد مايه من البحر لأن هناك مش هتقدر تنزل البحر بشكل مباشر جوة القرية وعلشان يعوضه ده عامله حمام سباحة مساحته كبيرة بياخد ميه من البحر مباشرة يعني كإنك نزلت البحر مافيش أي فرق .

ثانيا البحيرة :-
بحيرة مساحتها كبيرة اوووي مايتها برضه ملحة علشان بتاخد المية  من البحر ، تقدر تنزل البحيرة دي عادي البحيرة هتلاقي ليها شط علي النادي وشط على ناحية الالعاب المائية وهتلاقي هناك بيتش باجي وجت سكي بنانا بوت .

ثالثا الالعاب المائية :-

 الألعاب المائية بجد ممتعه جدا هناك وتكون مناسبة لجميع الأعمار والدخول مجاني للأطفال لعمر ٦ سنوات .

أكوابارك قرية أندلسية بمرسي مطروح

رابعاً النادي الرياضي :-

جوة النادي ده بقي هتلاقوا حمام سباحة كبير وحمام سباحة صغير والمية فيهم عذبة يعني مش من البحر ، ياسلام علي أصحاب الرياضة و المهتمين باللياقة مش هيضيعوا كل ده وقت المصيف لأن القرية الأندلسية بمطروح وفرت ليكم صالة جيم مميزة داخل النادي الرياضي ،كمان هتلاقي تنس طاولة وبلياردو يعني مصيف ولعب حاجة كدة من الآخر .

القرية فيها حاجات تانية كمان ولا ؟!!

أيوة طبعا فيها أحلي مطاعم وكافيهات داخل القرية نفسها وعلي مستوي عالي من الخدمة والنظافة أكل هتلاقي آيس كريم هتلاقي حلويات وأي حاجة إنت عاوزها وتحتاجها هتكون جوة القرية 


إيه اللى بيميز القرية الأندلسية بمطروح ؟؟


١القرية موجودة في مطروح نفسها يعني مش قبل مطروح أو بعدها 
٢- مكان هادئ جداً وتقدر تاخد في إستجمام وتجدد نشاطك الذهني .
٣كل اللي عاوزه موجود جوة القرية الصبح مصيف وجو جميل وبحر وميه ولعب وبليل سهر ومطاعم وكافيهات مع احلي حفلات يومياً .

صور لشقة مصيفية بقرية أندلسية 

صور لشقة مصيفية بقرية أندلسية بمرسي مطروح
شقة مصيفية في قرية أندلسية بمدينة مرسي مطروح

شقة مصيفية في قرية أندلسية بمدينة مرسي مطروح

شقة مصيفية في قرية أندلسية بمدينة مرسي مطروح

شقة مصيفية في قرية أندلسية بمدينة مرسي مطروح


- لمشاهدة فيديو :-




بكدة نكون خلصنا خلاص وإتكلمنا عن القرية الاندلسية بس اللي هيروح هناك هيستمتع ويلاقي إن الكلام مقدرش يوصف روعة المكان ، يلا بسرعة إلحقوا صيفوا ماتدفعش فلوس كتير مع القرية الأندلسية بمطروح صيف وإنت مرتاح  ماتحرمش نفسك ولا أسرتك من اي حاجة ، إوعي الصيف يعدي كده يلا بسرعة إلحقوا إحجزوا ، ياريت نكون قدرنا نقدم لكم معلومات مفيدة عن القرية الأندلسية إذا أعجبكم المقال لا تنسوا المشاركة والتعليق .


نتمني لكم رحلة ممتعة و سعيدة


ليست هناك تعليقات:

إرسال تعليق

إجمالي مرات مشاهدة الصفحة

نموذج الاتصال

الاسم

بريد إلكتروني *

رسالة *

اشترك في القائمه البريديه