السلام عليكم ورحمة الله و بركاته :، متابعينا الكرام ، سنتكلم في هذه المقالة عن أهم سمات و عادات الأشخاص المتميزين و المتفوقين في الأرض السمات اللي مهم كل إنسان يبقي عارفها و عايشها
(1) قبل ما الشمس تشرق لازم يبدأ يومك
(2) الأكل الصحي
(3) لا يمكن يرضي إلا لما يكون عارف قيمته إيه ــ ما بيهداش ــ
(4) لازم ينمي نفسه يومياً قراءة و تدريب و وعي
(5) لا يمكن يسخر أو يتريق أو يهين أي إنسان
(6) لازم يكون فيه عنده حاجة بيعملها يومياً أو أسبوعياً أو شهرياً إنفاق للخير
(7) مهما دخله من مال ما بيسرعش في تغيير حياته
(8)بيخصص جزء أو رقم - نسبة مئوية % - يتركن في جنب مفيش حاجة بتقربلهم
أول سمة ودي سمة بديهية ولازم كل إنسان يبقي عليها
(1) قبل ما الشمس تشرق لازم يبدأ يومك
الناس اللي بيصحوا من النوم و مظبطين نومهم قبل ما الشمس تطلع ، كل الناس اللي في الارض مافيش إنسان قابلته بيتكلم في الفلوس ولا في البيزنس ولا في الأعمال إلا ما إنه :، ويمكن قعدت مع ناس كتير بره والله بيحلف وبيقول والله ما عدى عليّ يوم في حياتي الشمس طلعت وأنا في السرير عشان كده اللي بيسافر بره هيلاحظ الموضوع ده جداً، إن كله من بدري في الشارع .
المفاجاة بقي إن علماء الطاقه بيقولوا إن الأفكار الملهمه ذات النتائج المبهرة بتنتشر في الكون في الجزء الأخير من ظلام الليل وبتبدأ تنقشع - تختفي - مع ضوء الشمس ، كل الطاقات المبدعة الملهمه اللي بتفجر إمكانياتك بتفضل متواجدة في السماء ، يقول ربنا " وفي السماء رزقكم وما توعدون " بتكون عبارة عن هواء في السماء مع النفس بتستنشقه دا وعي دا طاقة دي معلومات ومع طلوع الشمس بيبدأ ينقشع لحد ما يختفي .
هي قاعدة تقدر بس تعرف سيستم حياتك كله عامل إزاي علي المستوي الصحي و الجسدي و الأفكار اللي بتجيلك لما تعرف إنت بتصحي إمتي و بتنام إمتي .
الإستيقاظ مبكراً للعظماء ... و الإستيقاظ متأخراً للعبيد
(2) الأكل الصحي
كلمة أكل تعني هي كل ما يدخل وعيك المادي و وعيك الطاقي
المال أكل ، المعلومات أكل ــ إنت بتاكل إيه ــ ؟
الأكل لو عدي 50 % سئ أو خبيث إعرف إنك هتبقي عندك عرقلة في حياتك والدنيا متلخبطة بصورة لا تتخيلها ... إبحث في الموضوع ده .
(3) لا يمكن يرضي إلا لما يكون عارف قيمته إيه ــ ما بيهداش ــ
مش ممكن يعدي عليه يوم من غير ما يشغل دماغه ، أنا ممكن أضيف إيه النهاردة أو أحَسّن إزاي ، أو أجَوّد إزاي - لو عمل حاجات روتينية كل يوم كدا يموت فيها .
(4) لازم ينمي نفسه يومياً قراءة و تدريب و وعي
المعلومات بيبحث عنها - لا يمكن يستخسر أي حاجة في وعيه و يقرأ بمنتهي القوة .
(5) لا يمكن يسخر أو يتريق أو يهين أي إنسان
عشان كدا :،
الدول الناجحة لو حد بيقع بيشجعوه و يقوموه ،
الدول الفاشلة لو حد بينجح بيقطعوا فيه و ويوقعوه
من سمات الناحجين إنه مالوش علاقة الناس بتعمل إيه ، هو علي المستوي الشخصي بيحفز و يشجع
وإعرف كدا ــ إنك كل ما حفزت حد و شجعته ــ إعرف كدا ــ إنك تستحق التحفيز و التشجيع و النجاح في حياتك .
(6) لازم يكون فيه عنده حاجة بيعملها يومياً أو أسبوعياً أو شهرياً إنفاق للخير
لازم من ضمن سيستم حياته إنفاق للخير ، ناس عرفت عنه أو ماعرفتش عنه مش مشكلة ــ دا بيعمل تطوير رهيب في كل سلوكياته و سماته بالأبحاث العلمية علي فكرة - يعني يمكن لو إتكلمنا من ناحية الطاقة لقوا إن الإنسان اللي عمال يخزن - يخزن - و ما بيطلعش - بيحصله ركود في الطاقة بتاعته - مفيش سريان في الطاقة - هذا الركود بيعمل مشاكل تهلك فلوسه و هو مش واخد باله .
(7) مهما دخله من مال ما بيسرعش في تغيير حياته
سمة مهمة و خطيرة جداً - بفلوس - بفلوس كتيرة أوي
ركزوا فيها لأن عدم الوعي بيها ، ضَيّع ناس كتير
بمعني إيه الكلام ده ..... ؟
النهاردة أنا عايش بنظام معين و بأكل معين و معيشة معينة
لو دخله مال يقوم بسرعة مغير البيت و المكان ، النتيجة بتكون إيه .. هيفضل مديون و مزنوق طول حياته .
الإنسان الناجح اللي عايش بعقلية أنا المشروع هوا اللي كل ما يدخله مال يفكر إزاي أطور في الإنتاج و أحول الرقم دا لحاجة تدخل فلوس و أصرف و أحَسّن من الفلوس اللي دخلت .
- المعلومة دي ذهبية ركزوا فيها
أنا النهاردة بدأت أعمل منتج أو خدمة - Service - بتدّخل فلوس - مش هأخد الفلوس دي و أصرفها علي معيشتي - هتفضل مزنوق طول حياتك
طب أعمل إيه بالفلوس اللي دخلت دي ؟
أمخمخ إزاي أعمل بيها حاجات تجيب فلوس و أصرف من اللي جه مش منها هيا - دي معلومة رهيبة - اللي بيطبقها بمنتهي السرعة دخله بيزداد بصورة مينفعش تدركها عقلياً - هتبقي مش مصدقها .
الخلاصة : إنك ما تصرفش من لحم الحي
اللي بيجيلي بعتبره كنز و أخليه يولد ـ أمخمخ إزاي أخليه يوّلد
(8)بيخصص جزء أو رقم - نسبة مئوية % - يتركن في جنب مفيش حاجة بتقربلهم
بيخصص نسبة مئوية - علي الأقل 10 % كل ما زادت كل ما كان احسن ، دا الإدخار الخاص بتاعي مش لليوم الأسود لا بالعكس مش هيحصل أيام سودة إن شاء الله ، بس دا للإدخار أنا مدي للمال قيمة - مش بستهلكوا و أنسفه
يقوم إيه اللي يحصل ..!
ركزوا معايا ...
دَخلك 10 %
دَخلك 10 %
بعد 10 شهور بقي عندك مبلغ قد اللي دَخلك بس عقلك بيخزن فيه إن الفلوس بتزيد عندك مش بتنقص .
لو بتحُط 20 %
بعد 5 شهور بالظبط يبقي عندك قد اللي دخلك
فجأة بطريقة لحد النهاردة مش عارفين بتحصل إزاي كمية إنهيال أفكار و فرص بتاعة البيزنس زادت من كل إتجاة - لأن عقلك إتخزن فيه إن المال عندك بيزداد مش بيستهلك .
أقولك علي سر ــ اللي بيدخله مبلغ و في آخر الشهر يكون صرفه
عقلك بيخزن و بيتسجل فيه إنك ناسف للمال
الجذب بتاعك بيشتغل علي نسف المال .
يدخلك 100 هيتنسفوا
لو دخلك 1000 هيحصلك مواقف تصرفهم
لو دخلك 100000 علي آخر الشهر هيكونوا مصروفين لأنك متّعود علي الصرف ناسف للمال .
إبدأ إقرأ و طَبّق و إنطلق
إبدأ إقرأ و طَبّق و إنطلق
وبكده نكون خلصنا المقال
نتمني يكون المقال عجبكم
شكراَ جمهور فيرنتشر ستورز المطرية