النهارده موضوعنا مهم وناس كثيره جداً وبتسأل و بستفسر عليه وهو كيفيه الوصول لأول مليون ، المليون الأولانية هي بتبقى أهم نقطة في حياة كل إنسان في أيا كان الدولة اللي عايش فيها أول مليون جنيه أول مليون درهم أول مليون دولار هم دول أول تحقيق و نقطة مهمة في رحلة النجاح لأن من بعدها بيبقى تكاثر الملايين بيبقى أسهل بكثير .
المليون الواحدة بتقدر بتعمل منها ملايين تانية أسهل من إنك تحصل علي أول مليون
عشان كدا بيبقي أول وأكبر عائق في تاريخنا المهني أو في تاريخ مشروعتنا أو تاريخ بداية نجاحنا هو الوصول لأول مليون ، عشان كدا النهاردة هنتكلم عن الطرق الأسهل والطرق الفكرية اللي نقدر نحقق بيها أول مليون ، سواء مليون جنيه ، مليون درهم ، مليون دولار أيا كان علي حسب الدول اللي إنت عايش فيها .
أسهل الطرق لتحقيق أول مليون و أهم النقاط اللي نقدر نوصل بيها لأول مليون بطريقة أسهل
عندنا في مصر بيسموا المليون أرنب لأنه بيتكاثر كتير بعد ما تحققه بيبقي عدة ملايين
أول حاجة هنتكلم عنها النهاردة في الوصول لأول مليون
طريقة التفكير في الوصول للمليون
أتبع إيه أو أنفذ إيه عشان أقدر أحقق أول مليون بأسرع طريقة ممكنة و بأكثر طريقة ذكية و سهلة ، مش لازم أفكر إن الوصول للميلون لازم يبقي بطريقة صعبة ، بالعكس أنا لازم أفكر بإن الوصول للميلون ده عبارة عن :-
معادلة 5000 في كذا يوصلني للمليون
أو 1000 في كذا يوصلني للمليون
يا تري إيه اللي محتاجين نعمله عشان نقدر نوصل للمليون
فكرة إن عقلك يفكر بطريقة إنه يحول أي شئ لمعادلات
المعادلة دي بتبقي ديماً حاجة تتباع في قيمة مالية توصلني لرقم ونتايج أعمال
يعني إيه الكلام ده ..؟
مثال:-
أبيع لألف فرد حاجة ب 1000 ج أيا كان الرقم اللي هنتكلم عليه في الآخر أنا لازم أوصل لمعادلة ، شئ معين ببيعه و أضربه في قيمته وهوا ده اللي هيوصلني للرقم ده
الطريقة دي فَكر بيها ناس كتير جداً من رواد الأعمال الجدد ، اللي إبتدوا في العالم بالذات في المجتمعات الغربية ، زي أمريكا و كندا و أوروبا ، ناس كتير حققت أول مليون بالمنهجية دي إسمها حساب النتائج counting the results بمعادلة
المعادلة دي إننا نفكر في خدمة أو منتج ونضربها في قيمتها وعدد الأفراد اللي ممكن يشتروها وهوا دا الهدف اللي بسعي لتحقيقه .
كام منتج أقدر أبيعه ؟
كام خدمة أقدر أبيعها ؟
و أضربها في قيمتها و عدد العملاء المستهدفين
هل أنا بشتغل في منتج قيمته 1000 ج !
هل أقدر أوصل ل 1000 فرد عشان أحقق مليون جنيه مبيعات .
تقدر تفكر ونقول إيه هوا الشئ اللي محتاج أبيع منه 1000 قطعة وقيمته 1000 ج .
إيه هوا الشئ اللي محتاج أبيع منه 200 قطعة وقيمته 5000 ج
أيا كانت المعادلة اللي بتدور عليها
كل ما كانت عدد الناس بقي أكثر وقيمة المنتج أقل معناها إن الفئة المستهدفة أكثر بكتير
وكل ما كان المنتج ده سعره عالي ، وعدد العملاء بتاعته قليلين معناها إن الوصول للعملاء بتبقي أصعب شوية و لكن عملياته مش محتاجة عدد كبير من الناس .
طريقة التفكير دي هتخليك ما تفكرش إنك تقعد تحوش جزء أو تستقطع جزء من المرتب
وتبص تلاقي نفسك حوشت 200000 جنيه بعد 10 سنوات وبعد 10 سنوات كمان تكون حوشت 400000 جنيه
الموضوع ده بيبقي صعب جداً لأن ديماً معتمد علي الدخل الثابت اللي دخلك اللي بتحاول تستقطع منه رقم والرقمده بيفضل يزيد مع الوقت وبياخد وقت زمني طويل جداً
عشان كدا لازم نفكر بطريقة إنك توجد خدمة أو منتج علي عدد معين من العملاء في قيمة المنتج توصلني للمليون
تاني حاجة هنتكلم عنها في كيفية الوصول لأول مليون
بداية مشروع برقم قليل
تكون بداية المشروع من 50 ألف إلي 100 ألف أو 2500 دولار إلي 6000 دولار
البداية الأساسية اللي أقدر أوصل بيها لنتائج توصلني لأول مليون
يا تري إيه هيا المشروعات اللي أقدر أبتديها بالقيمة المالية دي ؟
- الأون لاين بيزنس - بيع الخدمات عبر الإنترنت
يستحوذ البيع عبر الإنترنت علي قطاع كبير جداً حول العالم
تقدر تبيع منتجات متنوعة عبر الإنترنت
ثالث طريقة معانا النهاردة
تقديم خدمات لتسهيل حياة الناس
لو عرفت تقدم خدمة تسهل علي الناس حياتهم ، لو فكرت في إزاي تقدر تقدم خدمة للعميل ، لو قدرت تريح العميل نفسياً و جسدياً بطرق من الخدما ت تقدمها للعميل معناه إنك عرفت تكسب سعادته و ولائة ودا مفتاح النجاح للوصول لأول مليون
3 حاجات أساسية إتكلمنا عليها :-
1- طريقة الفكر نقدر نحول المليون الاولي لمعادلة هي عبارة عن عدد معين من المنتجات في قيمتها فيوصلنا للمليون .
2- إزاي مشروعي أوصل بيه لأول مليون عن طريق إنك تحدد هدف محدد و اخلي الناس اللي تحتي تشتغل علي تحقيق الهدف ده عن طريق بيع المنتجات الاون لاين وتوصيلها للعميل وأفكر في أفكار جديدة من منتجات ناس كتير مش بتلاقيها في الأسواق و أوصلها للعملاء لحد البيت بكل السبل المتاحة الجديدة زي الفيس بوك و الإنستاجرام والمواقع و أمور كثيرة جداً أقدر أوصل بيها للعملاء المستهدفين .
دلوقتي الأنترنت سهل علينا كيفية التواصل مع العميل والوصول لعدد كبير من العملاء من غير ما يكون عندك محل أو إيجار ، الطريقة سهلت علينا نجاح البيزنس من غير ما يكون عندنا مصروفات عالية .
3- الخدمات اللي ممكن تقدمها للعميل اللي بتسهل عليه حياته وبتسبب له السعادة النفسية و الجسدية والراحة اللي بيدور عليها ، إنك تدور علي الثغرات في المجتمع .
دلوقتي عايزين نفكر بفكر رواد الأعمال اللي بيحاولوا يستفيدو بالفرصة ويدوروا علي الثغرات في المجتمع .
لازم تصبح بياع السعادة
لو أصبحت بياع السعادة عن طريق خدمة أو منتج بتقدمه ، فإعرف إنك هتجني الأموال وتحقق السعادة للعملاء ، فيتعاملوا معاك أكثر ، مش بس هتوصل للمليون كمان هتوصل لملايين كتيرة لأنك أصبحت تاجر السعادة وسبب راحة ناس كتير
الناس بتدفع فلوس كثيرة في سبيل سعادتها و راحتها .
- إقرأ أيضاً :-
- سمات و عادات الأشخاص الناجحين في الأرض | المتميزين و المتفوقين في الأرض
- كيف تصبح مفاوض ناجح - How to become a successful negotiator
شاهد الفيديو :-